makron firansiye mehsulatlirinila istémal qilishqa chaqirdi
firansiye pirézidénti émmanuél makron firansiye mehsulatlirinila istémal qilish we sétiwélish toghruluq chaqiriqta boldi.
türkiye awazi radiyosi xewiri: makron, otarwilé shehiride ötküzülgen dala féstiwalida qilghan sözide, 24 – féwraldin buyan dawamlishiwatqan rusiye – ukraina urushi, kilimat özgirishi we énérgiye kirizisi dairiside «yéza igilik we ashliq igidarchiliqi» ni qoghdashning eng zor küresh ikenlikini tekitlidi, hemde firansiye puqralirini peqet firansiye mehsulatlirinila istémal qilish we sétiwélishqa chaqirip mundaq dédi: «hemme heriketke ötüshke tégishlik, tolimu musheqqetlik, jiddiy we özige xas bir dewrni bashtin kechürüwatimiz. bu nuqtidin élip éytqanda, yéza igilik we ashliq igidarchiliqi nahayiti zor ehmiyetke ige.»
u yene, rusiye we bélarusiyedin kelgen oghut qatarliq déhqanchiliq mehsulatlirigha béqindi bolup qélishtin qutulushning, shundaqla, moskwa üchün «urush qorali» gha aylinip qéliwatqan énérgiye bahasining örlishige taqabil turushning zörürlükinimu sözlirige ilawe qildi.