engliye ayal padishahi alemdin ötti
engliye ayal padishahi 2 – élizabét 96 yéshida alemdin ötti.
türkiye awazi radiyosi xewiri: engliye xan jemetining ammiwi ortaqlishish tor béti Twitter sehipiside élan qilinghan bayanatta, ayal padishah élizabétning, shotlandiyediki balmoral qeleside wapat bolghanliqi eskertilip mundaq déyildi: «ayal padishah élizabét, bügün chüshtin kéyin balmoral qeleside huzur ichide alemdin ötti.»
ayal padishah élizabétning méyitining bügün paytext londongha élip bérilidighanliqi bildürüldi.
1926 – yili 21 – aprél küni londonda dunyagha kelgen élizabét, 1952 – yili 6 – féwral küni dadisi wapat bolghandin kéyin, ayal padishah bolghan, 1953 – yili 2 – iyun küni resmiy murasim arqiliq taj kiygenidi.
u, uda 70 yil hakimiyet yürgüzüp, «engliye tarixidiki eng uzun textte olturghan hökümdar» unwanigha érishkenidi.
yene bir tereptin, ayal padishah 2 – élizabétning wapatidin kéyin, 73 yashliq oghli charlés textke olturup, engliye padishahi boldi.
