baydin ittipaqdashliri bilen ukrainagha dawamliq yardem bérish mesilisi heqqide körüshti
amérika qoshma ishtatliri pirézidénti jo baydin kanada, yaponiye we yawropa rehberliri bilen ukrainagha herbiy we iqtisadiy yardemlerni dawamlashturush, yawropani tebiiy gaz bilen teminlesh mesilisi heqqide körüshti.
türkiye awazi radiyosi xewiri: aqsaray teripidin élan qilinghan bayanatta bildürülüshiche, amérika qoshma ishtatliri pirézidénti jo baydin, ruméniye pirézidénti klaus lohannas, polsha pirézidénti andréj duda, kanada bash ministiri jastin trudo, gérmaniye bash ministiri olaf sholz, italiye bash ministiri mariyo dragi, yaponiye bash weziri kishida fumiyo, shimaliy atlantik ehdi teshkilati-nato bash katipi stolténbérg, engliye bash weziri liz trastin sirt yene, firansiye we yawropa ittipaqi wekilliri bilen körüshken.
ukrainagha herbiy we iqtisadiy yardemlerni, rusiyege bolsa émbargolarni dawamlashturushning zörürlüki tekitlengen uchrishishta, rehberler, yawropani erzan bahaliq we uzaq mezgillik tebiiy gaz bilen teminlesh mesilisi toghriliqmu özara pikir almashturghan.