nigériyede maymun chéchiki wirusi bilen yuqumlanghanlar 200din éship ketti

türkiye awazi radiyosi xewiri: nigériye késellikni kontrol qilish merkizi maymun chéchiki wirusigha munasiwetlik weqelrning köpiyiwatqanliqi toghrisida bayanat élan qildi.

bayanatta, bir heptide 48 kishide maymun chéchiki wirusining bayqalghanliqi, buning bilen, dölet ichide wirus bayqalghan kishi sanining jemiy 220 ge chiqqanliqi qeyt qilindi.

bügüngiche wirus sewebidin töt kishining jénidin ayrilghanliqi eskertilgen bayanatta, paytext abujadin bashqa, 29 ishtattimu wirusning tarqiliwatqanliqi bildürüldi.

maymun chéchiki wirusi kongo we gherbiy afriqa türi dep ikkige bölünidu. bu wirus adette haywandin ademge yuqidighan bolup, we yéqin alaqilerde ademdin ademge nahayiti az yuqidu. bedende yuqiri qizitma we qichishish qapartqulirini keltürüp chiqiridu.