u yighingha 14 döletning dölet rehberliri bilen 10 xelqaraliq teshkilatning yuqiri derijilik mesullirining qatnishishining pilan qilinghanliqini bildürüp, yighinda teshkilatqa eza döletler otturisida soda, iqtisadiy, sélinma, sayahetchilik, medeniyet we insaniy saheliride özara hemkarliqlarni tereqqiy qildurushqa munasiwetlik 20 din artuq kélishimning imzalinishi mumkinlikini eskertti.
u yighingha, rusiye, qazaqistan, qirghizistan, tajikstan, xitay, pakistan, hindistan we özbékstandin bashqa, közetküchi eza salahiyitidiki bélarusiye, mongghuliye we iranning pirézidéntliri, sahibxan dölet özbékstan pirézidénti shewket mirzayéw teklip qilghan türkiye jumhur reisi rejep tayyip erdoghan bilen türkmenistan pirézidénti serdar berdimuhemmedowning qatnishidighanliqini, teshkilatning diyalog shériki döletlerdin yuqiri derijilik emeldarlarningmu qatnishidighanliqini bildürdi.
u türkiye üstide ayrim toxtilip, türkiyening özbékstanning yéqin istratégiyelik we qérindash dölet ikenlikini eskertti.
u mundaq dédi:
«künimizde rayondiki özgirishler we özbékstanning tashqi siyaset nishani közde tutulghanda, türkiyege oxshash bir döletning shangxey hemkarliq teshkilati rehberler yighinigha teklip qilinishi muwapiq qarar. bu teshkilatqa eza barliq döletlerning qollishigha érishti» dédi.
shangxey hemkarliq teshkilati 2001-yili 15-iyun qurulghan idi. teshkilatqa, xitay, rusiye, qazaqistan, qirghizistan, tajikstan, özbékstan, hindistan we pakistan qatarliq döletler eza. türkiye 2021-yili teshkilatning diyalog shériki bolghan idi.
