pakistanda 14-iyundin buyanqi shiddetlik yamghur 777 kishining jénigha zamin boldi
pakistanda 14-iyundin buyan dawamlashqan pesillik yamghur sewebidin jemiy 777 kishi qaza qildi.
türkiye awazi radiyosi xewiri: pakistan döletlik apetni bashqurush orgini (NDMA) ning sanliq melumatlirigha asaslanghanda, 1 milyon 800 ming kishi shiddetlik yamghur keltürüp chiqarghan kelkünning éghir tesirige uchrighan. dölet miqyasida 14-iyundin buyanqi shiddetlik yamghur 777 kishining jénigha zamin bolghan.
baluchistan, penjap we sind ölkilirining yézilirida yardem we dawalash lagérliri qurulghan.
hazir yardem lagérlirida 317 ming 678 kishi yashimaqta.
alaqidar mesular kelkün apitige uchrighan rayonlargha yémeklik, chédir we bashqa muhim teminatlarning yollanghanliqini bildürdi.
ijtimaiy taratqularda hembehirlengen körünüshlerde bolsa nurghun kishilerning insanperwerlik yardimini saqlawatqanliqi körülidu.
dölet miqyasida örülüp chüshken köwrükler we su bésip ketken yollardin bashqa yene, 60 mingdin artuq öy weyran bolghanliqi bildürülmekte.
jenubiy asiyada iyun éyidin sintebirgiche éghir tesir körsitidighan pesillik yamghur her yili zor tebiiy apetlerni we hadisilerni keltürüp chiqarmaqta.
