amérika qiteler ara bashqurulidighan bomba sinaq qildi

türkiye awazi radiyosi xewiri: amérika hawa armiye yershari zerbe bérish qomandanliq ishtabi qiteler ara bashqurulidighan bomba sinaq qilinghanliqi toghrisida bayanat élan qildi.

bayanatta: «mezkur sinaq, amérikaning yadro küchining bixeter, ishenchlik, 21-esirdiki tehditlerni tosush we ittipaqdashlirimizni xatirjem qilishta ünümlük ikenlikini ispatlashni meqset qilghan daimliq we qerellik paaliyetlerning bir qismi. bu xil sinaqlar ilgiri 300 qétimdin artuq qilinghan, bu sinaq nöwettiki yer shari tereqqiyatining netijisi emes» déyildi.

kaliforniyediki wandénbérg (Vandenberg) alem armiye bazisidin qoyup bérilgen, qoralsiz ballistik bashqurulidighan bomba, 6760 kilométir musapini bésip, marshal taqim aralliridiki kwajalin (Kwajalein) marjan taqim arilidiki nishangha del tegdi.

«Minuteman III» amérika armiyesining istratégiyelik qoral-yaragh ambirining achquchi dep qarilidu. bashqurulidighan bombining musapisi 9660 kilométirdin ashidu, saetlik tézliki texminen 24 ming kilométir.

général armand wong (ArmandWong) bayanatida: «bizning sinaqlirimiz aldin pilanlanghan bolup, dunyadiki tereqqiyatlargha qaritilghan inkas emes. her qétimliq qoyup bérishning inchike pilanlash jeryani qoyup bérishtin alte aydin bir yil ilgiri bashlinidu» dédi.

amérika mushu ayning (2022-yili awghust) béshida, teywen etrapidiki manéwirlar sewebidin xitay bilen bolghan ziddiyetning keskinliship kétishidin saqlinish we aprélda (2022) ukrainada dawamlishiwatqan urushta rusiye bilen bolghan yadro ixtilapini azaytish üchün mezkur sinaqni ikki qétim kéchiktürgen idi.

rusiye pirézidénti wladimir putin féwralda (2022) élan qilghan bayanatida, rusiyening yadro küchlirining hoshyarliqni eng yuqiri sewiyege chiqarghan idi. shu sewebtin, rusiyening ukrainagha tajawuz qilishining yadro urushini keltürüp chiqirishi mumkinlikige munasiwetlik endisheler kücheygen idi.

biraq, amérika hazirgha qeder özining yadro agahlandurush derijisini yuqiri kötürüsh üchün héchqandaq seweb yoqluqini élan qilghan éytti.