nigériyede görüge élinghan kishiler qutquzuldi

türkiye awazi radiyosi xewiri: nigériye kaduna ishtati ichki ishlar komissari samuél aruwan mezkur ishtatning sabon géro rayonida qoralliq kishilerge qarshi herbiy heriket élip bérilghanliqini bildürdi.

u herbiy herikette 35 kichik bala we ayalning qutquzulghanliqini eskertip, nurghun qara guruh ezasining bir terep qilinghanliqini, qara guruhqa tewe nurghun qoral-yaraghlar, motosiklitlar we muhim oq-dorilarning qolgha chüshürülgenlikini qeyt qildi.

nigériyede adem etkeschiliki yaki görüge éliwélish jinayitige ölüm jazasi bérilidighan bolsimu, fidye tölitish üchün görüge éliwélish weqeliri pat-pat yüz bérip turidu.

nigériyede künséri köpiyiwatqan xewpsizlik mesililirige qarshi küresh ramkisida, fidye tölesh cheklengen idi.