rusiye gérmaniye tashqi ishlar ministirliqigha naraziliq notasi tapshurdi

türkiye awazi radiyosi xewiri: elchixanining tor bétide élan qilinghan bayanatida, sowét ittipaqi yadikarliqliri we qebristanliqligha qarita qorqunchluq shekilde hörmetsizlik qilishning dawamlishiwatqanliqi, yéqinda torda bir gérman néonazi qollighuchisii teripidin wérnéchéndiki sowét ittipaqi urush qebristanliqigha irqchiliq shoarliri bilen hörmetsizlik qilinghanliqini körsitidighan bir sinalghu léntisining élan qilinghanliqi bildürüldi.

bayanatta: «biz bu qebih heriketni milliy öchmenlikke qutratquluq qilish shundaqla dunya we yawropani natsizimdin qutuldurush üchün hayatidin ayrilghan eskerlerning abidilirige hörmetsizlik qilish, dep qaraymiz» déyildi.

bayanatta yene, gérmaniye edliye organlirigha melumat bérilgenliki eskertilip, «gérmaniye tashqi ishlar ministirliqigha weqening ehwalini éniqlash üchün  etrapliq tedbirlerning yolgha qoyulishini, weqe sadir qilghuchilarning jawabkarliqqa tatilishini we 1992-yili 16-dékabirdiki rusiye-gérmaniye urush qebristanliqliri kélishimige asasen abidilerning bixeterlikining qoghdilinishini telep qilip, naraziliq notasi bérildi» dégen sözler ishlitildi.

wérnéchén shehirige mesul ost saqchi idarisimu abidige hörmetsizlik qilinghanliqini jezmleshtürüp,  bir guwahchining saqchigha kimliki namelum bir kishining abidige teret qilghanliqini we bashqa yene bir kishining bu jeryanni süretke alghanliqini xewer qilghanliqini éytti.

weqege qarita tekshürüsh bashlanghanliqi uqturuldi.