b d t daéshning tizgineklik uchqu ishlitish nisbitini ashurghanliqi heqqide agahlanduruldi
birleshken döletler teshkilati térorluq teshkilati daéshning ötken bir yilda tizgineklik uchqu ishlitish nisbitini körünerlik derijide ashurghanliqini bildürdi.
türkiye awazi radiyosi xewiri: b d t térorluqqa qarshi küresh bölümining mudiri wiladimir woronkow b d t xewsizlik kéngishige doklat bérish yighinida, térorluq teshkilati daéshning rayondiki kontrolluqi we rehberliki jehettin uchrighan talapetlirige qarimastin, hazirmu tehdit ikenliki heqqide agahlandurushta boldi.
woronkow térorluq teshkilatining ötken bir yilda, bolupmu iraqning shimalida tizgineklik uchqu ishlitish nisbitini körünerlik derijide ashurghanliqini eskertip, daéshning hazirmu süriye, iraq, afghanistan, somali we chad oymanliqida paaliyet élip bériwatqanliqini bayan qildi.
woronkow daéshning süriye we iraqta 10 minggha yéqin jengchisining barliqini, térorluq teshkilatining yene, 25 milyon dollardin 50 milyon dollarghiche kirimgimu ige ikenlikini bildürdi.
