makron eliyéw we pashinyan bilen téléfonlashti
firansiye pirézidénti émmanuél makron bu hepte ezerbeyjan pirézidénti ilham eliyéf we erméniye bash ministiri nikol pashinyan bilen ayrim – ayrim téléfon söhbiti ötküzdi.
türkiye awazi radiyosi xewiri: élisé sariyi bayanat élan qilip, makronning bu hepte eliyéw we pashinyan bilen ayrim – ayrim halda téléfon söhbiti ötküzgenlikini bildürdi؛ bayanatta, makronning yéqinqi künlerde lachin karidorida yüz bergen «éghir weqeler»din endishe qiliwatqanliqini tilgha élip ötkenliki bildürüldi.
makronning jiddiy weziyetning aldini élish we terepler otturisidiki söhbetning dawamlishishigha kapaletlik qilish üchün her ikki döletni barliq qedemlerni tashlashqa chaqirghanliqi eskertilgen bayanatta: «(makron) 2020- yili 11 - ayning 9 - künidiki urush toxtitish söhbiti dairiside bérilgen wedilerge hörmet qilishning muhimliqini tekitlidi» dégen ibarilerge orun bérildi we makronning jenubiy kawkaz weziyitining yüzlinishini yéqindin közitiwatqanliqini éytqanliqi qeyt qilindi.
ezerbeyjan pirézidéntliq mehkimisining mezkur téléfon söhbitige munasiwetlik bayanatida, pirézidént eliyéwning, erméniye terepning yene bir qétim herbiy ighwagerchilik qilghanliqini, rusiye eskerliri waqitliq orunlashturulghan ezerbeyjan zéminliridiki mezkur ighwagerchilik netijiside bir ezerbeyjan eskirining hayatidin ayrilghanliqini tilgha élip ötkenliki bildürüldi.
ezerbeyjan armiyesining ighwagerchilikning aldini alghanliqigha isharet qilghan eliyéw, jiddiychilikning barliq jawabkarliqining erméniyege tewe ikenlikini tekitlidi.
rusiye, ezerbeyjan we erméniye rehberliri 2020-yili 11-ayning 10-küni tarixiy ehmiyetke ige üch terep xitabnamisige imza qoyghanidi.
