iranda su apitide jénidin ayrilghanlar sani ashti

türkiye awazi radiyosi xewiri: iran kirizisqa taqabil turush idarisining bashliqi muhemmed hüseyin nami irna (İRNA) agéntliqining ziyaritini qobul qilghanda, iz-déreksiz yoqap ketken yette kishining jesitining tépilghanliqini bildürdi.

u buning bilen, bir hepte ichide su apitide jénidin ayrilghanlar sanining 76 ge chiqqanliqini, 16 kishining bolsa yoqap ketkenlikini qeyt qildi.

u yene, 24 ishtatning sel we yamghurning tesirige uchrighanliqini, 20 ming öyde buzghunchiliqning meydangha kelgenlikini؛ selning tesirige uchrighan jaylarda izdesh-qutquzush xizmetlirining dawamlishiwatqanliqini eskertti.

mesul dairiler, yamghurning toxtimay yéghishi éhtimaligha qarshi puqralarni derya byliridin yiraq turush toghrisida agahlandurdi.