b d t türkiyege minnetdarliq bildürdi
birleshken döletler teshkilati (b d t) ning insanperwerlik ishlirigha mesul muawin bash katipi joys msuya, «dunyadiki eng köp musapir qobul qilghan dölet» türkiyege rehmet éytti.
türkiye awazi radiyosi xewiri: b d t bash katipi bayanatchisi farxan haq, b d t bash orginida ötküzülgen muxbirlarni kütüwélish yighinida, joys msuyaning ghaziantep we xatayni öz ichige alghan 5 künlük türkiye ziyaritini tamamlighanliqini, bu jeryanda yurt – makanliridin mehrum qilinghan süriyelik ayllar, xeyr – saxawet orunliri, b d t xadimliri, iane qilghuchilar we chégra halqip yardem paaliyetlirige qatnashqan türkiye hökümet emeldarliri bilen körüshkenlikini bildürüp: «msuya insanperwerlik yardem xizmetlirini qollighanliqi üchün türkiye hökümitini alqishlidi we 3 milyon 700 ming musapirgha sahibxanliq qilish arqiliq dunyaning eng köp musapir qobul qilghan döliti bolghan türkiyege rehmet éytti» dédi.
«süriyening gherbiy shimalidiki 4 milyon 100 ming kishi asasliq éhtiyajlirini b d t ning yardimige tayinip qanduridighanliqigha ishinidu» dégen bayanatchi haq, her ay yémeklik we bashqa yardemlerning türkiye arqiliq süriyediki 2 milyon 400 ming kishige yetküzüp bériliwatqanliqi toghrisidiki uchurlarni ortaqlashti.
u, b d t xewpsizlik kéngishi muddetni yene bir qétim uzartmighan teqdirde, süriyege chégra halqip qilinidighan yardemlerning alte ay ichide, yeni qishning otturilirida toxtap qalidighanliqini bildürdi.
joys msuyaning 25-iyul türkiyege kélip, süriyege qiliniwatqan chégra halqighan insanperwerlik yardem yetküzüsh xizmitini yéqindin közitidighanliqi bildürülgenidi.
