gérmaniye: türkiye kem bolsa bolmaydighan hemrah

türkiye awazi radiyosi xewiri: annéléna baérbok, bügün girétsiyege, ete türkiyege qilidighan ziyariti harpisida élan qilghan yazma bayanatida, yéqinqi mezgilde shimaliy atlantik ehdi teshkilatidiki ittipaqdashliri bilen yawropadiki hemrahliri otturisidiki hemkarliqning mislisiz derijide téximu muhim bolup qéliwatqanliqini, shu wejidin, girétsiye we türkiyede ziyarette bolidighanliqini eskertish bilen bir waqitta, türkiyediki uchrishishliri dawamida, aqdéngizning bixeterlikining muhim küntertip maddiliridin biri bolidighanliqini tekitlep mundaq dédi: «türkiye biz üchün kem bolsa bolmaydighan hemrahtur, shundaqla bashqa döletler bilen sélishturghanda biz bilen téximu qoyuq munasiwiti bar dölettur. milyonlighan kishilerning yüriki döletlirimiz üchün soqmaqta.»

gérmaniye tashqi ishlar ministiri annéléna baérbok, 8-iyundin 10-iyunghiche girétsiye we türkiyede ziyarette bolushni pilanlighan bolsimu, lékin, buningdin burun dölet ishliri ziyaritide bolush üchün pakistangha yétip barghanda, bu yerde «kowid – 19» wirusi bilen yuqumlanghan, shuning bilen, türkiye we girétsiyege qilidighan ziyaritini kéchiktürgenidi.