zélénskiyning repiqisi oléna zélénska amérika konereside nutuq sözlidi

türkiye awazi radiyosi xewiri: ukraina pirézidénti wolodiir zélénskiyning repiqisi oléna zélénska amérika awam palatasining bashliqi nensy pélosining teklipige binaen kongrede nutuq sözlidi.

u özining amérika kongreside nutuq sözligen tunji chet el pirézidéntining repiqisi ikenlikini eskertip, ukrainada téxi urushning axirlashmighanliqini tekitlidi.

u mundaq dédi:

«men silerdin özüm qetiy xalimaydighan bir nersini telep qilimen؛ silerdin qoral-yaragh telep qilimen. bu qoral-yaraghlar bashqilarning zéminigha hujum qilsh üchün emes, belki özimizning zéminini qoghdash we hayat qélishimiz üchün ishlitilidu. hawa qalqan sistémiliri telep qilimen, chünki bashqurulidighan bombilar héchkimni öltürmisun, harwilardiki bowaqlar ölmisun.»

u amérika kongresining kéler ay (awghust) dem élishqa qoyup bérilip, séntebirde qayta échilidighanliqini xatirilitip: «men séntebirde oghlumning mektepke bérip-baralmaydighanliqini bilmeymen. oqu-oqutush yilining béshida qizimning uniwérstétta oqup-oquyalmaydighanliqinimu bilmeymen. ukrainaliq oqutquchilar némige teyyarliq qilishi kérek? siniplarda ders ötüshkimu yaki panahlinish jaylirida bombilardin qoghdinishqimu? bulargha men jawab bérelmeymen. emma, hawa qalqan sistémilirimiz bolsa, bizde bir jawab bar bolidu» dédi.

rusiye 24-féwral (2022) ukrainagha qarshi tajawuzchiliq urushi qozghighan idi.