féysbuk taliban hökümitining téléwiziye qanili we xewer agéntliqining hésablirini taqap qoydi

türkiye awazi radiyosi xewiri: taliban hökümitining xewer agéntliqi <Bakhtar> féysbukning organ hésabini taqiwetkenlikini élan qildi.

bayanattam <Bakhtar> ning féysbuk qaidilirige toluq riaye qilghan halda tarqitish bériwatqanliqi, meqsetlirining bolsa, oqurmenlerge éniq we keng dairilik uchurlarni yetküzüsh ikenliki bildürüldi.

bayanatta, féysbukning bu qararining afghanistanliqlarni axbarat erkinlikidin mehrum qilish ikenliki tekitlendi.

yene bir tereptin, afghanistan hökümet téléwiziye qanilining mudiri ehmedulla wasiq qanalgha tewe parsche we pushtuche hésabatlirining fésbuk teripidin héchqandaq sewebsiz taqalghanliqini we bu qararning axbarat erkinlikige xilap ikenlikini éytti.

ehmedulla wasiq taliban hökümitining téléwiziye qanili <RTA> ning afghanistan xelqining awazi ikenlikini tekitlep, féysbukning taqap qoyghan hésablarni qayta échip bérishini telep qilghanliqini bildürdi.