b d t rusiyening hujumlirida qaza qilghan ukraina puqraliri sanini élan qildi
24-féwraldin buyan dawam qiliwatqan rusiye-ukraina urushida 5100 ukraina puqrasining hayatidin ayrilghanliqi élan qilindi.
türkiye awazi radiyosi xewiri: birleshken döletler teshkilati (b d t) bash katipining muawin bayanatchisi farxan heq, b d t ning nyu-yorktiki bash orginida ötküzülgen muxbirlarni kütüwélish yighinida söz qilip, «moskwaning ukrainagha qaratqan herbiy herikiti bashlanghandin buyan, 11 ming 800 din artuq puqraning oq tégip yarilanghanliqini, ularning ichidiki hayatidin ayrilghanlar sanining 5100 din éship ketkenliki»ni éytti.
b d t kishilik hoquqni közitish ishxanisi, ukrainaning herqaysi jaylirida hazirghiche qaza qilghan 5100 din artuq puqraning 346 ining balilar ikenlikini delillep, «ölgen puqralar sani téximu köp bolushi mumkin» dédi we sözini dawamlashturup: «b d t puqralargha qaritilghan qalaymiqan hujum qilish weqelirining köpiyishidin qattiq endishe qilmaqta. toqunushuwatqan terepler, ukrainadiki puqralar we memuriy ul eslihelerni qoghdash üchün xelqara insanperwerlik qanunida körsitilgen mejburiyitini ada qilishi kérek» dégenlerni qeyt qildi.
