yawropa yuqumning yéngi dolquni toghrisida agahlanduruldi
yawropada kowid-19 yuqumining yéqinqi besh hepte ichide uda köpiyiwatqanliqi, nurghun döletlerning aldini élish tedbirlirini emeldin qaldurushi bilen birlikte wirusning yuqush nisbitining örlep kétidighanliqi otturigha qoyuldi.
türkiye awazi radiyosi xewiri: dunya sehiye teshkilati emeldarliri bayanat élan qilip, nöwettiki éshishning asasliq sewebining kowid-19 omikron wariyantining tarmaq wariyantlirining biri bolghan BA.4 we BA.5 tiplirining pütkül yawropagha tesir körsitip téz tarqilishi ikenlikini otturigha qoydi.
bayanatta, yawropa döletlirining tekshürüsh we gén tertiplesh dairisini taraytishiningmu yuqumlinish ehwalining köpiyishini keltürüp chiqarghanliqi, bu ehwalning herqaysi döletlerdiki yuqumlanghurchilargha alaqidar heqiqiy uchurlarni igileshke tosalghu boluwatqanliqi eskertildi.
bayanatta yene, wirusning üzlüksiz özgirish yasishigha egiship waksina ünümining töwenlishining yawropadiki kowid-19 bimarliri sanining köpiyishidiki yene bir seweb dep körsitildi.
yawropa késelliklerning aldini élish we kontrol qilish merkizi emeldarliri bolsa, bir aydin köprek waqittin buyan dawamlishiwatqan yuqumlinish nisbitidiki éshishning, rayondiki döletler üchün «keng dairilik kowid -19 dolqunining bashlinishi» bolup qalidighanliqi mölcherini otturigha qoydi.
