girétsiyede yük ayropilani chüshüp kétip, ichidiki 8 xadim qaza qildi

türkiye awazi radiyosi xewiri: girétsiyening kawala shehirige qarashliq paléchori rayonida chüshüp ketken yük ayropilanida 8 xadim qaza qildi.

ukraina shirkitige tewe <AntonovAn-12> tipliq yük ayropilani girétsiyening shimalida chüshüp ketti.

girétsiye resmiy xewer agéntliqi <AMNA> ning xewirige asaslanghanda, ayropilan xeterlik boyumlarni élip méngiwatqan bolup, dairiler bu wejidin shenbe küni kechte, ayropilan chüshüp ketken palaxoriyo rayonidiki barliq ot öchürüsh etriti we jiddiy qutquzush xadimlirining neq meydandin yiraqlishishi kéreklikini telep qilghan.

yene bir tereptin , partilatquch mutexessisliri ayropilan élip mangghan yükning qanchilik xeterlik ikenlikini éniqlap, élinidighan tedbirlerni qararlashturush üchün neq meydangha qarap yolgha chiqti.

uchquchining ayropilanning matorida kashila chiqqanliqini bildürüp jiddiy qonush ruxsiti telep qilghanliqi, emma ayrodorumgha yétip kélishtin burun, matorgha hawada ot ketkenliki we ayropilanning kawaladiki olturaq rayongha yéqin yerge chüshüp ketkenliki bildürüldi.

ukraina shirkitige tewe bu ayropilan sérbiyedin iordaniyege yük toshumaqta iken.

weqeni öz közi bilen körgen shahitlarning éytishiche, ayropilan chüshüp ketkendin kéyin nurghun partlash awazi anglinip, ot élishqa bashlighan.

weqe yüz bergen rayonni köygen yéqilghu we qoyuq is tütek qaplap ketken.

sérbiye dölet mudapie ministirliqining bayanatida, ayropilandiki 8 xadimning hemmisining qaza qilghanliqi bildürüdi.