seudi erebistan bilen iraq éléktr torini tutashturush kélishimini ijra qilidighan boldi
seudi erebistan bilen iraq ilgiri pikir birliki hasil qilinghan éléktr torini ulash kélishimini ijra qilishqa dair özara kélishim imzalidi.
türkiye awazi radiyosi xewiri: seudi erebistan xewer agéntliqi «SPA» ning xewirige qarighanda, seudi erebistanning énérgiye ministiri abduleziz bin selman bin abduleziz bilen iraq néfit ishliri ministiri éhsan abdulsebbar seudi erebistanning paytexti riyadta 2022-yilining béshida , terepler otturisida imzalanghan pikir birliki kélishimining ijra qilinishi üchün éléktr torini ulash kélishimige imza qoyghan.
seudi erebistan énérgiye ministiri bin abduleziz iraq bilen éléktr torini tutashturush layihesining ikki dölet otturisda téxnika sahesi qatarliq hemmila sahede dawamlishiwatqan hemkarliqni we iqtisadiy munasiwetlerni tereqqiy qildurush arzusining namayendisi bolghanliqini éyttqan.
bin abduleziz mezkur layihening seudi erebistanning 2030-yilliq nishani we dölitining istratégiyilik orni shundaqla rayondiki eng chong liniye bolghan seudi erebistan éléktr torigha meblegh sélishni asas qilidighan pirogramma bolush alahidilikige ige ikenlikini bildürgen.
seudi erebistan bilen iraq otturisida 25 – yanwarda ikki döletning éléktr torini tutashturush üchün pikir birliki kélishimi imzalanghan idi.
