gollandiye armiyesi awghusttin bashlap 10 ming ukraina eskirini terbiyelep béridighan boldi
gollandiye armiyesining awghusttin bashlap ukraina eskerlirini engiliyede terbiyeleshke bashlaydighanliqi élan qilindi.
türkiye awazi radiyosi xewiri: gollandiye dölet mudapie ministirliqining bayanatida 10 ming ukraina eskirini 4 heptilik meshiq qilduridighanliqi bildürüldi.
bayanatta, gollandiye armiyesining 8-aydin étibaren éngliyede bu hepte bashlanghan asasiy herbiy meshiq, qargha élish meshiqi we deslepki qutquzush meshiqige qatnishidighanliqi we guruppa sheklide élip bérilidighan meshiqlerning 3-4 ay ichide tamamlinishi mölcherliniwatqanliqi hemde gollandiye déngiz armiyesi xadimliriningmu meshiqke yardem qilidighanliqi bildürüldi.
bayanatqa köz qarashliri kirgüzülgen gollandiye dölet mudapie ministiri kajsa ollongrén ukrainaning winnitsa shehiride 22 puqraning öltürülüsh weqesini eslitip, «(24-féwraldin buyan dawamlishiwatqan) ukraina-rusiye urushi 6 - éyigha qedem qoydi. gerche astilighan bolsimu, rusiyening donbastiki ilgirilishi hazirmu dawamlashmaqta. rusiyening hujumlirini toxtitish üchün gherb döletlirining ukrainagha qilidighan yardimi intayin muhim» dédi.
