amérika ukrainagha 1 milyard 700 milyon dollar yardem qildi
amérika ukrainagha 1 milyard 700 milyon dollarliq yéngi xamchot yardimi qildi.
türkiye awazi radiyosi xewiri: amérika xelqara tereqqiyat idarisi (USAID) bilen maliye ministirliqining hemkarliqida, ukraina hökümitige sehiye xadimlirining maashlirini bérelishi üchün dunya bankisi arqiliq 1 milyard 700 milyon dollarliq xamchot yardimi bérilgenlikini élan qildi.
amérika xelqara tereqqiyat idarisi (USAID) ning yazma bayanatida, «pirézidént jo baydinning ukraina pirézidénti wolodimir zélénskiygha qilghan xamchot yardimi bérish wedisige asasen, amérika maliye ministirliqi bilen amérika xelqara tereqqiyat idarisi hemkarliship, ukraina hökümitige 1 milyard 700 milyon dollar xamchot yardimi berdi» déyildi.
bayanatta dunya bankisi arqiliq yetküzülidighan bu yardemning 24 - féwralda bashlanghan rusiye urushi sewebidin ukraina xamchotida peyda bolghan qizil reqemni tügitishke yardimi bolidighanliqi we eng yéngi yardem bilen asasliq éhtiyajlarning qandurulushi, bolupmu sehiye xadimlirining maashining bériliishi emelge ashidighanliqi bildürüldi.
bayanatta, amérika xelqara tereqqiyat idarisi (USAID) ning ukraina hökümitige hazirghiche 4 milyard dollar biwasite xamchot yardimi bergenliki, bu arqiliq ukrainadiki nurghun asasliq éhtiyajlarni qandurghili bolidighanliqi uqturuldi.
