amérikaning bir ballistik bashqurulidighan bombisi sinaq jeryanida partlap ketti
amérika armiyesi yéngi tetqiq qilip yasap chiqqan yadro oq béshini élip yürüsh iqtidarigha ige ballistik bashqurulidighan bomba sinaq jeryanida partlap ketti.
türkiye awazi radiyosi xewiri: amérika armiyesi, kaliforniyediki wandérbérg alem qatnishi bazisida, minutiman namliq qiteler ara uchidighan ballistik bashqurulidighan bombigha asasen tetqiq qilip yasap chiqqan «minotawr II +» namliq yadro urush oq béshi élip yürüsh iqtidarigha ige bashqurulidighan bombisini sinaq qildi.
baza teripidin élan qilinghan yazma bayanatta, «minotawr II + namliq bashqurulidighan bomba charshenbe küni saet 23 din 01 minut ötkende qoyup bérilip aridin texminen 11 sékunt ötkendin kéyin partlap ketti. partlashta yarilinish ehwali körülmidi, bombining qalduqliri sinaq supisigha yéqin yerde derhal kontrol astigha élindi» dégen ibarilerge orun bérildi.
bayanatta, partlashning sewebini éniqlash üchün tekshürüsh komitéti qurulghanliqigha isharet qilindi.
