türkiye bilen israiliye awiyatsiye kélishimi imzalidi

türkiye awazi radiyosi xewiri: israiliye bash ministirliq mehkimisi axbarat wasitiliri ishxanisi teripidin bu heqte élan qilinghan yazma bayanatta, ikki dölet otturisida, israiliye hawa yolliri shirketlirining türkiyege ayropilan seperlirini qayta ishqa kirishtürüshi nishan qilinghan deslepki kélishim imzalanghanliqi eskertilip mundaq déyildi: «<ikki dölet otturisidiki munasiwetlerning tereqqiyatidiki muhim burulush nuqtisi> hésablinidighan bu kélishim, yéqinqi heptilerde ötküzülgen <ochuq we ijabiy söhbetler» din kéyin, israiliye - türkiye xelq awiyatsiyesi organlirining mesulliri teripidin imzalandi.»

bayanatta, kélishimning,  israiliye bash ministiri yair lapidning 23-iyun enqerede tashqi ishlar ministiri süpitide ziyarette bolushidin kéyin, türkiye tashqi ishlar ministiri mewlut chawushoghlu bilen kélishim hasil qilishidin kéyin tüzülgenliki tekitlinip mundaq déyildi: «bu kélishim <ikki dölet otturisidiki munasiwetlerning dairisini téximu  kéngeytish we tereqqiy qildurush qararining bir qismidur. derweqe deslepki kélishim, israiliye hawa yolliri shirketlirining türkiyege ayropilan seperlirini qayta ishqa kirishtürüshi nishan qilinghan axirqi awiyatsiye kélishimining imzalinishigha élip baridighan muhim basquchtur.»

igilinishiche, bu kélishim, israiliye hawa yolliri shirketlirining türkiyege ayropilan seperlirini  1951 – yildin buyan tunji qétim ishqa kirishtürüshini nishan qilidiken.