shiwétsiye tashqi ishlar ministiri sol partiyeni p k k teshwiqati bilen shoghullinishni toxtitishqa chaqirdi
shiwétsiye tashqi ishlar ministiri ministiri en lindé, «sol partiye p k k paaliyiti bilen shughullinishni derhal toxtitishi kérek» dédi.
türkiye awazi radiyosi xewiri: shiwétsiye tashqi ishlar ministiri ministiri en lindé «almédalén siyaset munbiri»diki sözi jeryanida bölgünchi térrorluq teshkilati — p k k gha simwolluq qilidighan nersilerni kötürüp teshwiqat bilen shughullanghan solchilar partiyesige naraziliq bildürüp, «bu qetiy qobul qilinmaydu, sol partiye p k k paaliyiti bilen shughullinishni derhal toxtitishi kérek» dédi.
en lindé özining tiwittérdiki adrésida edliye, qoshumche ichki ishlar ministiri morgan yohansonnimu ilawe qilghan halda uchur ortaqliship: «buni qetiy qobul qilghili bolmaydu. p k k 1984 – yili olof palmé hökümiti teripidin térrorluq teshkilati dep élan qilghan we nurghun bigunah kishilerni öltürüp kishilerni azabqa duchar qilghan bir teshkilat. sol partiye p k k paaliyitini derhal toxtitishi kérek» dep yazdi.
edliye, qoshumche ichki ishlar ministiri morgan yohansonmu engliye lindéning sözlirini özining tiwittérdiki adrésida eynen hembehrilep, sol partiyeni agahlandurdi.
shiwétsiyening gotland arilida ötküzülgen «almédalén siyaset munbiri» jeryanida bir qisim sol partiye parlamént ezaliri p k k ning térrorluq teshkilati emeslikini yaqlash mahiyitide bezi sözlerni qilghanidi.
