samar déngizining yette kilométir chongqurluqidin paraxot qalduqliri tépildi
filippinning samar déngizi tewelikidin tépilghan amérika paraxoti qalduqlirining tarixtin buyanqi eng chongqur jaydin tépilghan paraxot qalduqi ikenliki bildürüldi.
1848125
türkiye awazi radiyosi xewiri: BBC ning xewirige qarighanda, amérika déngiz armiyesige tewe «USS Samuel B Roberts» namliq paraxot ikkinchi dunya urushi mezgilide filippinning samar déngizi tewelikide chöküp ketken.
déngiz yüzidin texminen 7 kilométir chongqurluqtin tépilghan qalduqlar tarixtin buyanqi eng chongqur jaydin tépilghan paraxot qalduqi süpitide tarix sehipiliridin orun alghan.
igilinishiche, amérika we yaponiye déngiz armiyeliri özara étishqan samar urushida talapetke uchrighan paraxotning gewde qismida zembirek we oq izliri bar iken.
samuil B robérts 224 kishi bilen birlikte chöküp ketkeniken bolup, ulardin 120 kishi 50 saet boyiche qutquzush kémilirini quchaqlap turush arqiliq hayat qélishqa muweppeq bolghaniken.
