ékwadorda 18 saqchi namayishchilar teripidin tutup kétildi
ékwadorda yerlik namayishchilarning bir saqchixanida qilghan hujumda 18 saqchining yoqap ketkenliki bildürüldi.
türkiye awazi radiyosi xewiri: ichki ishlar ministiri patrisio karrilo muxbirlarni kütüwélish yighinida ékwadorning amazon rayonigha qarashliq puyo yézisida bir saqchixanining hujumgha uchrighanliqini bildürdi.
karillo saqchilarni izdep tépish üchün heriket bashlanghanliqini élan qildi.
karillo saqchixanidiki 9 saqchiningmu namayishchilarning mudaxilisi sewebidin yarilanghanliqini tilgha élip, bir banka, ammiwi we xususiy eslihelerningmu bulanghanliqini éytti.
dölet miqyasidiki ish tashlash namayishining bir qismi süpitide, 10 kündin buyan hökümetke qarshi namayish qiliwatqan minglighan kishi paytext kito qatarliq nurghun sheherlerning meydanlirigha toplashqan idi.
hökümetke qarshi namayishlarda, hazirgha qeder 2 yerlik kishining öltürülgenliki we 18 kishi éghir bolup, jemiy 100 din artuq namayishchining yarilanghanliqi élan qilinghan idi.
