bu qétim afghanistanning bedexshan wilayitide yer tewridi

türkiye awazi radiyosi xewiri: afghanistan yer tewresh merkizi bayanat élan qilip, afghanistanda tünügün (22-iyun) yüz bergen yer tewreshtin kéyin, bügün (23-iyun) bedexshanning feyziabad shehiride 4.3 bal yer tewrigenlikini bildürdi.

amérika géologiyelik tetqiqat idarisi bu qétimqi yer tewreshning yerdin 220 kilométir chongqurluqta meydangha kelgenlikini, merkiziy nuqtisining bedexshan wilayitige jaylashqan jurm yézisining gherbiy jenubigha 48 kilométir kélidighanliqini élan qildi.

paktika wilayitide tünügün yüz bergen 5.9 bal yer tewreshte 1000 din artuq kishi jénidin ayrilghan we 1500 din artuq kishi yarilanghan idi.

mesul dairiler paktika wilayitining giyan nahiyesi bilen xost wilayitining spirey nahiyesining yer tewreshning eng éghir tesirige uchrighanliqini bildürgen idi.

yer tewresh merkez nuqtisining, afghanistanning sherqidiki pakistan chégrasigha jaylashqan xost wilayitining gherbiy jenubigha 46 kilométir kélidighan jay ikenliki qeyt qilinghan idi.