amérikada diniy mekteplermu döletning yardimidin paydilinalaydighan boldi
amérika aliy sot mehkimisi «diniy mektepler xususiy maarip dairiside döletning yardimidin chiqiriwétilishke bolmaydu» dep qarar chiqardi.
türkiye awazi radiyosi xewiri: amérika aliy sot mehkimisi 3 ke qarshi 6 awaz bilen chiqarghan qararida, mayné ishtatida sunulghan biz erznamigha qarita «diniy mekteplerni döletning xususiy maarip bilen teminleydighan mekteplerge yardem qilish pirogrammisidin chiqiriwétishke bolmaydu» dep höküm chiqardi.
aliy sotning reisi jon robérts qararni élan qilip, maynédiki munasiwetlik pirogrammining asasiy qanundiki diniy erkinlikke dair hökümlirige xilap ikenlikini bildürdi.
bu qarargha qarshi chiqqan üch sotchining biri soniya sotomayor: «bu sot chérkaw bilen döletni ayriydighan tamni chéqip tashlashni dawamlashturmaqta» dédi.
mayné ishtati dikabirda dölet mektipige kirelmigen yéza aililirining xususy mektep chiqimlirigha yardem bérish pirogrammisi dairisige kéridighan turuqluq, buninggha diniy mekteplerni kirgüzmigenliki sewebidin deslepte fédératsiye sot mehkimisige erz sunghan, kéyin déloni aliy sot mehkimisige yötkigen idi.
