hindistanda kelkünde jénidin ayrilghanlarni sani ashti

türkiye awazi radiyosi xewiri: hindistanning sherqiy shimaligha jaylashqan assam, mégxalaya we arunachal pradésh ishtatlirida toxtimay yaghqan yamghur sewebidin yüz bergen kelkün we tagh gömürülüp chüshüsh weqeliride jénidin ayrilghanlarning sani 131 ge chiqti.

hindistan «taymés géziti» ning xewiride qeyt qilinishiche, assam, mégxalaya we arunachal pradésh ishtatlirida shiddetlik yaghqan yamghur sewebidin yüz bergen kelkün we tagh gömürülüp chüshüsh weqeliri nurghun jangha zamin bolghan. weqelerde jénidin ayrilghanlarning sani 131 ge chiqqan.

assam ishtati tebiiy apetlerge taqabil turush idarisi bayanat élan qilip, tünügün (2022-yili 21-iyun) assam ishtatida 11 kishi jénidin ayrilghan, ikki kichik balini öz ichige alghan yette kishi yoqap ketken. ishtattiki 36 rayonning 32 side 4.7 milyon kishi apetning tesirige uchrighan.

bayanatta, jénidin ayrilghan 131 kishining eng az 80 nepirining assamliq ikenliki eskertildi.

jenubiy asiyada iyun éyidin séntebirgiche köp yaghidighan muson yamghurliri her yili hidistan qatarliq köpligen döletlerde éghir apetlerni peyda qilidu.