gérmaniye bénzin we dézilliq aptomobillarni chekleshni qobul qilmaydu

türkiye awazi radiyosi xewiri: gérmaniye maliye ministiri kristin lindnér gérmaniye sanaet küni (21-iyun) munasiwiti bilen ötküzülgen yighinda söz qilip, yawropa ittipaqi döletliride 2035-yildin bashlap yéngi bénzin we dizél méyini yéqilghu qildighan aptomobillarni sétishni chekleshke muasiwetlik pilanning «xata» ikenlikini ilgiri sürdi.

u gérmaniye hökümitining yawropa ittipaqining bu qanunini qobul qilmaydighanliqini bildürdi.

yawropa ittipaqi komitéti yawropa yéshil kélishimining bir qismi bolghan we 2030-yilgha barghanda bulghima qoyup bérishni eng az dégende %55 azaytishni meqset qilghan «55 ke mas kélidighan» yürüshlük pilan boyiche, 2035-yildin tartip sétilidighan yéngi aptomobil we yénik soda aptomobillirining nöl bulghimiliq bolushini teklip qilghan idi.

buninggha asasen, yawropa ittipaqi döletliride 2035-yildin tartip yéngi bénzin yaki dizél aptomobilliri sétilmaydu.

yawropa parlaménti 8-iyun 2035-yildin bashlap yawropa ittipaqi döletliride yéngi bénzin we dizél aptomobillirining sétilishini chekleshni öz ichige alghan qanun teklipini qollidi. bu basquchtin kéyin, yawropa parlaméntibilen eza döletler otturisida qanun toghrisida muzakireler ötküzülidu.

yawropa ittipaqi 2050-yilighiche barliq saheler we aptomobillarning bulghilimisiz bolushini nishan qilmaqta.