israiliye tashqi ishlar ministiri yaér lapid 23-iyunda türkiyege kélidu
israiliye birleshme hökümiti parlaméntni emeldin qaldurup, muddettin ilgiri saylam ötküzüshni qarar qilghan bolushigha qarimastin, israiliye tashqi ishlar ministiri yaér lapidning 23-iyunda pilanlangha türkiye ziyariti ilgiri élan qilinghandek shekilde
türkiye awazi radiyosi xewiri: israiliye birleshme hökümiti shérikliridin bash ministir naftali bénnét we tashqi ishlar ministiri yayir lapid tünügün parlaméntni emeldin qaldurup, arqiliq muddettin ilgiri saylam ötküzüshni qarar qilghanliqlirini élan qilghan idi.
bu qarardin kéyin, israiliye metbuatlirida lapidning 23-iyun élup bérish pilanlanghan türkiye ziyaritining emeldin qaldurulushi mumkinliki ilgiri sürülgen idi.
israiliye tashqi ishlar ministirliqi bayanatchisi lior hayt mezkur ziyaretning pilan boyiche 23-iyun peyshenbe küni élip bérilidighanliqini, pilanda héchqandaq özgirish bolmighanliqini jezmleshturdi.
israiliye ammiwi tarqitish orgini «KAN» ning xewirige qarighanda, birleshme hökümet shérikliridin bénnét we lapid kéler hepte parlaméntning emeldin qaldurulishi üchün bélet tashlash paaliyiti ötküzüshke kélishken.
eger parlamént bu qararni testiqlisa, israiliye 3.5 yil ichidiki beshinchi qétimliq chong saylamgha atlanghan bolidu.
birleshme hökümet shériklirining kélishimige köre, muddettin ilgiriki saylamghiche tashqi ishlar ministiri yayir lapid waqitliq bash ministir bolup twezipe öteydiken.
