awstiraliyede tunji qétim hijabliq ayal parlaménttin orun aldi
awstiraliyede ishchilar partiyesidin kéngesh palatasi ezaliqigha saylanghan fatime payman, awstiraliye tarixida tunji qétim parlaménttin orun alghan hijabliq ayalgha aylandi.
türkiye awazi radiyosi xewiri: «kanbérra waqti géziti» ning xewirige asaslanghanda, 8 yash waqtida anisi we üch qérindishi bilen afghanistandin panahlanghuchi süpitide awstiraliyege kelgen fatime payman, gherbiy awstiraliyening 6-kéngesh palata ezasi orunduqini qolgha keltürgen.
awstiraliye saylam komitéti gherbiy awstiraliye ishitatida 27 yashliq fatime paymanning ghelibe qilghanliqini jezmleshtürdi.
parlaménttin orun alghan tunji hijabliq ayal fatime payman, ishchilar partiyesidiki éd xusk we anni eli bilen birlikte kéngesh palatasidiki üch musulman awstiraliyelikning birsi hésablinidu.
fatime payman saylam komitéti netijisini ortaqlashqandin kéyin bayanat élan qilip, yéngi wezipisige saylanghanliqidin «sherep we imtiyaz» hés qilidighanliqini éytti.
awstiraliye bash ministiri antoniy albanis we muawin bash ministir patrik gorman tiwittérda fatime paymanni tebriklidi.
yéshillarpartiyesining kéngesh palata ezasi shundaqla tunji musulman ayal kéngesh palata ezasi mehrin faruqimu, «kéngesh palatasigha yene bir musulman ayalning qétilishi intayin yaxshi boldi» dégen sözliri bilen fatime paymanni tebriklidi.
مۇناسىۋەتلىك خەۋەرلەر
iraqning erbil shehiride 300 dukan külge aylandi
iraqning erbil shehiridiki tarixiy qeyseri bazirida yüz bergen ot apitide 300 dukan külge aylandi.
