hindistandiki kelkünde qaza qilghanlarning sani 32 ge örlidi
hindistanning assam we mégalaya ölkiliridiki kelkünde qaza qilghanlarning sani 32 ge yetti.
türkiye awazi radiyosi xewiri: assam ölkisi apetni bashqurush orgini (ASDMA) ning bildürishiche, ölkidiki 28 nahiyede dawamlishiwatqan kelkün sewebidin 13 kishi qaza qilghan we 1 milyon 800 mingdin artuq kishi kelkünning éghir tesirige uchrighan.
mégalaya döletlik apetni bashqurush orgini (SDMAM) mesullirimu ölkide 2 künde 19 kishining qaza qilghanliqini élan qildi.
assamda kelkünning tesirige uchrighan texminen 3000 rayondin 108 ming 104 kishining yardem lagérlirigha tarqaqlashturulghanliqini bildürüldi.
hindistan bash ministiri naréndra modi ijtimaiy alaqe torida assam ölkisi bash ministiri himanta biswa sarma bilen körüshkenlikini bildürüp, «kelkünning tesirige uchrighan assam xelqining bixeterliki we amanliqi üchün dua qiliwatimen» dégen idi.
