engliyelik zhurnalist dom filips we yétekchisining öltürülgenliki otturigha chiqti
biraziliyede fédératsiye saqchiliri 5-iyundin buyan yoqap ketken engliyelik zhurnalist dom filips we uning yétekchisi, yerlik xelq mutexessisi bruno péréyraning amazonda öltürülgenlikini élan qildi.
türkiye awazi radiyosi xewiri: amazonas ishtati fédératsiye saqchi idarisining bashliqi aléksandir fontés muxbirlarni kütüwélish yighinida zhurnalist filips we mutexessis péréyra yoqap ketkendin kéyin nazaretke élinghan gumandar amarildo da kodtaning ularni öltürgenlikini iqrar qilghanliqini we jesetlirini qeyerge kömgenlikini doklat qilghanliqini bildürdi.
aléksandir fontés tépilghan jeset qalduqlirining qanun doxturxanisida tekshürülishi üchün paytext birasiliyagha ewetilidighanliqini tekitlep, tekshürüsh netijiside filips we péréyraning qoral bilen étip öltürülgenliki aydinglishiwatqanliqini, emma ölümning konkrét sewebining tekshürüshke asasen békitilidighanliqini uqturdi.
engiliyede chiqidighan «The Guardian» gézitining muxbiri, 57 yashliq dom filips rayongha bérip amazondiki yerlik xelqler heqqide kitab yazmaqchi bolghan bolup, hökümet qarmiqidiki yerlik fondi jemiyitining mutexessisi 41 yashliq bruno péréyra bilen 5 – iyuldin béri yoqulup ketken idi.
texminen 15 yildin béri braziliyede ishlewatqan tejribilik zhurnalist filips amazon orminini qoghdashqa alaqidar xizmetliri sewebidin tehditlerge uchrighan idi.
