iran-iraq urushidin qalghan minaning partlishi netijiside 1 kishi qaza qildi
iranning gherbiy ezerbeyjan ölkisige qarashliq serdesht yézisi etrapida iran-iraq urushidin qalghan minaning partilishi netijiside, chégra qomandanliq ishtabida wezipe ötewatqan bir xadim jénidin ayrildi.
1843234
türkiye awazi radiyosi xewiri: iran resmiy xewer agéntliqi <IRNA> ning xewirige asaslanghanda, serdesht hakimi xusropur iran-iraq urushidin qalghan birminaning partlighanliqini bildürgen.
xusropur: «serdesht chégra qomandanliq ishtabida wezipe ötewatqan mesul komissar mehdi barzeger kechte charlawatqan peytte minaning partlishi sewebidin jénidin ayrildi» dégen.
iran bilen iraq otturisida 1980-yili 9-ayning 22-küni bashlanghan urush her ikki terep qobul qilghan birleshken döletler teshkilati bixeterlik kéngishining 598-nomurluq qarari bilen 1988-yili 8-ayning 20-küni axirlashqan idi.
urush yillirida chégralargha kömülgen minalar her ikki dölettin nurghun kishilerning jénigha zamin bolghan yaki yarilinishigha seweb bolghan idi.
