kiyéw, rusiyening ukrainadiki urushta 32500 eskirining öltürülgenlikini ilgiri sürdi
ukraina armiyesi bash qomandanliq ishtabi, 24 - féwraldin buyan dawam qiliwatqan urushta hayatidin ayrilghan rusiye eskerliri sanining 32 ming 500 ge yetkenlikini uqturdi.
türkiye awazi radiyosi xewiri: ukraina bash qomandanliq ishtabi, rusiye armiyesining 24 - féwraldin 14 - iyunghiche bolghan jeryanda urushta tartqan talapetlirige dair eng yéngi sanliq melumatlarni élan qilip, ukraina zéminida 32 ming 500 rusiye eskirining öltürülgenlikini, buningdin bashqa rusiyening 233 ayropilan, 179 tik uchar, 1434 tanka, 3503 bironéwik, 721 zembirek, 229 rakéta qoyup bérish sistémisi we 97 hawa mudapie sistémisining weyran qilinghanliqini jamaetchilik bilen ortaqlashti.
bayanatta yene, rusiye armiyesining 2473 aptomobil we yéqilghu toluqlash aptomobili, 58 alahide herbiy aptomobili, 13 dane paraxot we yénik tipliq téz süretlik kémisi hemde 588 uchquchisiz hawa apparatidin ayrilip qalghanliqi ilgiri sürüldi.
rusiye dölet mudapie ministirliqi 25-mart bayanat élan qilip, ukrainadiki urushta 1335 rus eskirining jénidin ayrilghanliqini uqturghanidi.
