blinkén jenubiy koréye tashqi ishlar ministiri bilen körüshti

türkiye awazi radiyosi xewiri: amérika tashqi ishlar ministiri antoni blinkén dölet ishliri ziyaritide bolush üchün washingtongha yétip kelgen jenubiy koréye tashqi ishlar ministiri park jin bilen birlikte axbarat élan qilish yighini ötküzdi.

u ministir park jin bilen iqtisadiy munasiwetler we rayonning bixeterlik mesililirini muzakire qilghanliqlirini bildürüp, shimaliy koréyening yadro we balistik bashqurulidighan bomba pirogrammilirining rayon üchün peyda qilghan tehditliri toghrisida pikir almashturghanliqlirini qeyt qildi.

u amérikaning shimaliy koréyege qarita düshmenche pozitsiyesining yoqluqini tekitlep: «shertsiz diyalogni teshebbus qilimiz. wuxen wirusi(Kovid-19)  waksinalirini öz ichige alghan halda shimaliy koréye xelqini qollashni xalaymiz» dédi.

u nishanlirining tinchliq ichidiki muqimliqqa ige rayon ikenlikini؛ kim jongun hökümitining amérikaning bu toghridiki tekliplirige jawab bermigenlikini bildürdi.

shimaliy koréyening amérikaning ilgiriki sabiq hökümiti waqtidin bügüngiche jemiy alte qétim yadro qorali sinaq qilghanliqini, yettinchi qétimliq yadro siniqi üchün teyyarliq qiliwatqanliqigha munasiwetlik uchurlardin endishe qiliwatqanliqlirini eskertip: «shimaliy koréye mushundaq sinaqni dawamlashturghan ehwalda, téz jawab qayturush üchün jenubiy koréye, yaponiye we bashqa yéqin ittipaqdashlirimiz hemde shériklirimiz bilen qoyuq alaqide boluwatimiz. bügün nahayiti addiy qilip éytqinimda, bashqa ittipaqdashlirimiz bilen, bolupmu jenubiy koréye we yaponiye bilen intayin yéqin kordinatsiye halitide yüz bérish éhtimali bolghan ehwallargha teyyarliniwatimiz. biz herbiy orunlashturushlirimizdimu qisqa we uzun muddetlik tengsheshlerni qilishqa teyyarmiz. yadro siniqi xeterlik bolidu, rayon weziyitide dawalghush peyda qilidu. bu yene, b d t xewpsizlik kéngishining köp qararlirida eskertilgen xelqaraliq qanungha ochuqtin ochuq xilap. bu sewebtin, shimaliy koréyeni weziyetni muqimsizlashturidighan heriketlerdin yiraq turushqa chaqirimiz. shimaliy koréyeni estayidil we sijil diplomatiyege qatnishishqa chaqirish bilen birge, bu nuqtida héchqandaq shert qoymastin ilgirileshke teyyarmiz» dédi.

jenubiy koréye tashqi ishlar ministiri park jin shimaliy koréye yadro qorali sinaq qilghan ehwalda, xelqaraliq jemiyettin nahayiti keskin we qattiq jawab alidighanliqini bildürdi.

u: «shimaliy koréye bilen shertsiz diyalog ötküzüshni xalaymiz, shimaliy koréyeni weziyetni muqimsizlashturidighan heriketlerni toxtitishqa, diyalogqa qaytip kélishke chaqirimiz» dédi.