amérika kongresi qoral islahati mesiliside kélishti
amérika kéngesh palatasidiki jumhuriyetchi we démokrat wekiller qoral islahati qanun teklip layihesi mesiliside pirinsip jehettin kélishti.
türkiye awazi radiyosi xewiri: amérika kéngesh palata ezaliri qoral islahati qanun teklip layihesi toghrisida bayanat élan qildi.
bayanatta, kéngesh palata ezalirining amérikada yéqinqi künlerde küntertipke kelgen qoral islahati munazireliri toghrisida pirinsip jehettin kélishkenliklirini bildürgenliki qeyt qilindi.
téksti hazirche yézilmighan qanun layihesining, kishilerge pisxikiliq yardem qilish, mekteplerdiki bixeterlik xizmetlirini kücheytish, eqliy küchi jayida bolmighan kishilerning qoral sétiwélishini cheklesh we 21 yashtin kichik kishilerning qoral sétiwélishini cheklesh qatarliq maddilarni öz ichige alidighanliqi perez qilinmaqta.
amérikada 14-mayda (2022) bufalodiki bir talla bazirida yüz bergen qoralliq hujumda 10 kishi, 24-mayda téksasning uwaldé shehiridiki bir mektepte yüz bergen hujumda 19 oqughuchi we ikki oqutquchi jénidin ayrilghandin kéyin, «qoral islahati» mesilisi üstide munazire bashlanghan idi.
amérika pirézidénti jo baydin mezkur mesilide kongrege xitab qilghan, awam palatasi bolsa, qoral islahatini mezmun qilghan qanun layihesini testiqlighan idi.
