baydin bilen trudo rusiyege dawamliq émbargo yürgüzülidighanliqi toghruluq signal berdi
amérika qoshma ishtatliri pirézidénti jo baydin bilen kanada bash ministiri jastin trudo rusiyege qaritilghan émbargo lar we ukrainagha bériliwatqan yardemlerni dawamlashturush toghruluq signal berdi.
türkiye awazi radiyosi xewiri: aqsaray teripidin élan qilinghan yazma bayanatta bildürülüshiche, amérika qoshma ishtatliri pirézidénti jo baydin bilen kanada bash ministiri jastin trudo, los anjélésta chaqirilghan «9 – nöwetlik amérika döletliri bashliqlar yighini» dairiside bir yerge jem bolup, rayonluq hemkarliq, «kowid – 19» yuqumi, köchmenler we ghiza bixeterliki qatarliq mesililer heqqide muzakire élip barghan.
ikki rehber, rusiye – ukraina urushi dairiside rusiyege qaritilghan émbargolarning dawamlashturulushini ehde qilghan, hemde urushta éghir talapetke uchrighan milyonlarche ukrainaliqqa iqtisadiy, tereqqiyat we insanperwerlik jehettin yardem bérish tirishchanliqliri heqqide özara pikir almashturup, ukrainagha mudapie jehettin dawamliq yardem béridighanliqlirini tekitligen.
rusiyege qaritilghan émbargolar mesiliside hemkarliq ornatqanliqi üchün, kanadani tebrikligen baydin, trudo bilen mushu ayning axirliri madridta chaqirilidighan shimaliy atlantik ehdi teshkilati bashliqlar yighinida bir yerge jem bolushni töt köz bilen kütüwatqanliqini qeyt qilghan.
ikki rehber, hem zenjirsiman teminlesh shirketliri mesilisi hemde 2050-yiligha barghanda «nöl karbon qoyup bérish» nishani toghruluq muzakire élip barghan.
