iranda yoluchilar poyizi rélistin chiqip kétip 17 adem öldi
iranda meshhed-yézd ariliqida qatnawatqan yoluchilar poyizining rélistin chiqip kétishi netijiside 17 adem qaza qildi.
1839451
türkiye awazi radiyosi xewiri: iran oqughuchilar xewer agéntliqi (ISNA) ning xewirige qarighanda, tabasning alahide waliysi eli ekber rehimi, bügün etigende, meshhed-yézd ariliqida qatnawatqan yoluchilar poyizining 4 wagonining tabas poyiz istansisigha yéqin jayda rélistin chiqip ketkenlikini, qazadin kéyinla rayongha qizilay jemiyiti, jiddiy ehwallargha taqabil turush qomandanliq merkizi we tömür yoli qutquzush etretlirining ewetilgenlikini, deslepki melumatlargha qarighanda, 420 yoluchi olturghan poyizdiki 17 kishining hayatidin ayrilghanliqini, 5 i éghir bolup, 30 kishining yarilanghanliqini eskertken, hemde neq meydangha 12 dane jiddiy qutquzush aptomobilidin sirt yene, 3 tik uchar ayropilanningmu ewetilgenlikini qeyt qilghan.