térrorluq teshkilati daéshning 38 ezasi qolghan élindi
iraq bixeterlik qisimliri kerkükte élip barghan herikette, térrorluq teshkilati daéshning 38 ezasini tutti.
türkiye awazi radiyosi xewiri: kerkük heriket qomandani eli freji kerkükning jenubida térrorluq teshkilati daéshqa qarshi keng kölemlik heriket bashlanghanliqini bildürdi.
eli freji herikette 38 térrorchining qolgha élinghanliqini, nurghun qoral we oq-dorilarning qolgha chüshürülgenlikini eskertti.
freji herikette yene, daéshqa tewe 8 panahjayning bitchit qilinghanliqini, 17 bomba méxanizmi we nurghun qorallarning musadire qilinghanliqini éytti.
daésh 2014-yili 6-ayda iraqning musul, salahaddin we enbar wilayetlirining hemmini shundaqla diyala we kerkük ölkilirining bir qismini ishghal qilghan bolup, bu rayonlar bir nechche yil ichide teshkilattin qayturuwélinghan idi.
iraqning sabiq bash ministiri heyder elabadi 2017-yili 12-ayning 9-küni daéshni meghlup qilghanliqini élan qilghan idi.
térrorluq teshkilati daésh rayondin qoghlap chiqirilip, sheherler qayturuwélinghinigha 4 yildin ashqan bolsimu, bolupmu kerkük, diyala, musul, salahaddin we enbar wilayetlirining yéza – qishlaqlirida teshkilatning hujumliri dawamlashmaqta.
