nigériye yirtquch haywanlarning göshini sétishni cheklidi

türkiye awazi radiyosi xewiri: nigériye yéza igilik ministiri muhemmed ebubekir barliq yirtquch haywan owchiliri we sodigerlirining ish toxtitishi toghrisida perman chüshürdi.

hazirghiche maymun chéchiki wirusigha munasiwetlik 21 weqe körülgen nigériyede, wirus sewebidin jénidin ayrilish weqesi may éyining (2022) axirida yüz bergen idi.

nigériyede chashqan, böken, yawa tongguz, yilan we shimpenze qatarliq haywanlarning göshi sétilidighan nurghun bazarlarning barliqi melum. maymun chéchiki wirusining yirtquch haywanlarning göshini istémal qilish bilen yuqidighanliqigha munasiwetlik ispat bolmisimu, mezkur qararning wirusning aldini élish meqsitige ige ikenliki ilgiri sürüldi.

dunya sehiye teshkilatining melumatlirigha asaslanghanda, kaméron, ottura afriqa jumhuriyiti, kongo démokratik jumhuriyiti, libériye, nigériye, kongo jumhuriyiti we sérra léon qatarliq döletlerde, bu yil (2022) 392 gumanliq, 44 toghrilanghan maymun chéchiki wirusigha munasiwetlik weqe bildürülgen.

maymun chéchiki wirusining kongo we gherbiy afriqadin ibaret ikki türi bar.

adette haywandin ademge yaki ademdin ademge yuqushi nahayiti az körülidighan wirus, adem bedinide qizzish we qichishishlarni peyda qilidu.