daniye bilen shiwétsiye ukrainagha herbiy yardem berdi
daniye ukrainagha 2 milyard kron (texminen 290 milyon dollar) qimmitide herbiy yardem qildi.
türkiye awazi radiyosi xewiri: daniye dölet téléwiziyesi d r (DR) ning xewiride bildürülishiche, daniye dölet mudapie ministiri mortén bodskow (Morten Bodskov) ukrainagha 2 milyard kron qimmitide qoral-yaragh we bashqa herbiy üskünilerdin terkip tapqan yardemlerning yetküzülgenlikini élan qildi.
shiwétsiye hökümitimu ukrainagha mexpiy halda yéngi herbiy yardemlerni ewetidighanliqini jakarlidi. shiwétsiye hökümet tor bétidiki bayanatta, ukrainagha yuqiri nisbette herbiy yardem bérilidighanliqini, mexpiyetlik sewebidin yardem miqdarining élan qilinmaydighanliqi eskertildi.
shiwétsiye ilgiri ukrainagha 5 ming dane «AT4» tanka atar, 5 ming dane oq ötküzmeydighan jilitke, 5 ming dane polat qalpaq we 135 ming eskerge yétidighan teyyar yémek-ichmek ewetken idi.
