shiwétsiye bügünning sharaitida türkiyege qoral éksport qilishlirining mumkinlikini bildürdi
shiwétsiye dölet qoral-yaragh éksportini kontrol qilish orgini diréktori karl éwirtson, «hazirqi sharaitta türkiyege qoral éksport qilalaymiz» dédi.
türkiye awazi radiyosi xewiri: shiwétsiye dölet qoral-yaragh éksportini kontrol qilish orgini diréktori karl éwirtson, «Expressen» gézitining, shiwétsiyening shimaliy atlantik ehdi teshkilati — natogha eza bolush iltimasini chöridigen halda türkiye bilen ötküzülüwatqan söhbetlerge alaqidar soallirigha jawab berdi.
u, özi rehberlik qiliwatqan organning, shiwétsiye dölet mudapie komitétining telipige asasen qoral éksport qilidighanliqigha isharet qilip: «nöwette türkiye bizning qorallirimizgha mohtaj emes, ular bizdin qoral sétiwalmaydu. biz mudapie komitétining iltimaslirini ehwalgha qarap ijra qilimiz. biz bügünki sharaitta türkiyege qoral satalaymiz» dédi.
éwirtson, shiwétsiyede ishlengen AT-4 tankigha qarshi qorallarning bölgünchi térrorluq teshkilati p k k ning qoligha qandaq chüshüp ketkenliki toghrisidiki soalgha: «biz bu qorallarni teshkilatlargha éksport qilmaymiz. bu, mezkur qorallarning amérika qoshma ishtatlirining ijazet nomuri bilen ishlepchiqirilidighan bolushi we bizning ötmüshte bularning üchinchi döletlerge iksport qilinishigha ruxset qilinmasliqi shertige diqqet qilmighanliqimizdin kélip chiqqan bolushi mumkin» dep jawab berdi.
shiwétsiye dölet qoral-yaragh éksportini kontrol qilish orgini 2019 – yili 15 – öktebirde qarar maqullap, türkiyege qoral sétip bérishni meni qilghanidi.
shiwétsiye dölet radiyosi – SR ning xewirige qarighanda, shuningdin kéyin shiwétsiyediki üch xususiy qoral ishlepchiqarghuchi shirket, türkiyening qoral sétiwélish telipini qobul qilmighaniken.
