nato baltiq déngizida manéwir ötküzüshke teyyarlanmaqta
shimaliy atlantik ehdi teshkilati — nato, on nechche döletning nechche on urush ayropilani we 7 ming eskirining ishtirak qilishi bilen baltiq déngizida manéwir ötküzüshke teyyarliq qilmaqta.
türkiye awazi radiyosi xewiri: nato bayanat élan qilip, türkiye, bélgiye, bulghariye, daniye, éstoniye, finlandiye, fransiye, gérmaniye, latwiye, litwaniye, gollandiye, norwégiye, polsha, shiwitsiye, engiliye we amérika qatarliq döletler ishtirak qilidighan «baltiq herbiy heriketliri – 22» namliq 51 – nöwetlik déngiz manéwirining 5-iyundin 17-iyunghiche bolghan ariliqta ötküzülidighanliqini؛ manéwirgha 45 paraxot, kem dégende 75 ayropilan we texminen 7 ming eskerning ishtirak qilidighanliqini uqturdi.
baltiq déngizi rayonining qatnash erkinliki we bixeterlikini qoghdash imkaniyetlirini kücheytishni meqset qilghan manéwirda, suda heriket qilish, oq chiqirish téxnikiliri, su asti paraxotigha qarshi herbiy heriketlerni élip bérish, hawa mudapie manéwiri, mina tazilash, partlatquch chuwush, shopursiz su asti apparatliri we dawalash usulliri qatarliq her xil türler boyiche meshiqler élip bérilidu.
1972- yilidin buyan muntizm halda dawamlishiwatqan «baltiq heriketliri – 22 »ge bu yil shiwétsiye sahibxanliq qilidu.