biraziliyede etkeschilerge qarshi herikette qaza qilghanlarning sani 21 ge yetti
biraziliyening riodé zhanéyro shehiride tünügün bixeterlik qisimlirining jinayi teshkilatlargha qarshi élip barghan herikitide hayatidin ayrilghanlar sanining 21 ge yetkenliki bildürüldi.
türkiye awazi radiyosi xewiri: saqchi idarisi mesulliri riodé zhanéyroning shimalidiki «fawéla» dep atilidighan namratlar mehellisi wila kruzéyrodiki zeherlik chékimlik etkeschisi jinayi guruhlargha qarshi élip bérilghan herikette 10 kishining qaza qilghanliqi élan qilindi.
dairiler tünügün chüshtin burun élip bérilghan herikette hayatidin ayrilghanlar sanining 21 ge yetkenlikini bildürdi.
alaqidar mesullar saqchi tik ucharlirimu qatnashqan herikette nurghunlighan qoral-yaragh we oq-dorilarning musadire qilinghanliqini, rayondiki 20 mektepning oqu - oqutush ishliri waqitliq toxtitilghanliqini uqturdi.
saqchilar bu heriketning biraziliyede zeherlik chékimlik etkeschiliki, adem etkeschiliki, tutqun qilish, qaqti-soqti qilish we adem öltürüsh qatarliq jinayetlerni sadir qilghan komando wérmélxo teshkilatining kattiwashlirini tutush üchün élip bérilghanliqini élan qildi.
