b d t talibanni kishilik hoquq cheklimiliridin waz kéchishke chaqirdi
birleshken döletler teshkilati afghanistanda hakimiyet yürgüzüwatqan talibanni afghan ayallar we qiz balilarning kishilik heq – hoquqlirigha cheklime qoyidighan siyasetlerdin derhal waz kéchishke chaqirdi.
türkiye awazi radiyosi xewiri: birleshken döletler teshkilati xewpsizlik kéngishi teripidin élan qilinghan ortaq bayannamide, afghanistanda ayallar we qiz balilarning heq – hoquqlirigha cheklime qoyulushidin qattiq endishe qiliniwatqanliqi tekitlinip mundaq déyildi: «maarip, ishqa orunlishish, paaliyet erkinliki, ayallarning dölet orunliridiki xizmet hayatigha toluq, barawer we ehmiyetlik qatnishishini cheklesh xelqara jemiyetning éngigha zittur.»
ayal diktorlarning téléwiziye ékrani aldida yüzini yépishi we ayallarning zörür tépilghanda öydin sirtqa chiqishi qatarliq paaliyetlirige cheklime qoyulushining tolimu endishilik ehwal ikenliki eskertilgen bayanatta, taliban, afghan ayallar we qiz balilarning kishilik heq – hoquqlirigha cheklime qoyidighan siyasetlerdin derhal waz kéchishke chaqiriq qilindi.
