litwa parlaménti rusiyening ukrainada «irqiy qirghinchiliq» qilghanliqini békitti

türkiye awazi radiyosi xewiri: litwa döletlik radio-téléwiziye istansisining xewirige asaslanghanda, 128 qollash béliti bilen maqullanghan qararda, rusiyening herbiy qisimliri we yallanma eskerlirining bolupmu bucha, irpin, maripol boroyanka we hostomél qatarliq ukraina sheherliride «kolliktip urush jinayiti» sadir qilghanliqi bildürülgen.

qararda, rusiye qisimlirining ukrainagha qarshi élip barghan keng kölemlik urushining ukraina xelqige qaritilghan «irqiy qirghinchiliq» dep qobul qilinghanliqi otturigha qoyulghan.

qararda yene, barliq jinayetchilerning jawabkarliqqa tartilishi kérekliki we xelqara jemiyetning rusiyening jinayitini tekshürüsh üchün alahide xelqara jinayi ishlar soti qurup chiqishi kérekliki tekitlinip, «herbiy küchliri qesten we sistémiliq halda puqralarni hujum nishani qilghan rusiye fédératsiyesi, térrorluqni qollighan we ijra qilghan dölettur» dégen sözler ishlitildi.

paytext kiyéwgha yéqin bucha shehirini rusiye armiyisidin 1- arélda azad qilghan ukraina armiyesi, binaliri we kochiliri weyran bolup, jesetler bilen tolghan birsheherni uchratqan idi.

kiyéw etrapidiki azad qilinghan olturaq rayonlardin  410 puqraning jesiti tépilghan idi.

rusiye qisimliri 24-féwralda ukrainagha hujum bashlighan idi.