xitay hökümitining küchlük qollighuchisi li kachyu xongkongning waliyliqigha saylandi

türkiye awazi radiyosi xewiri: xitayning xongkong alahide memuriy rayonining sabiq bixeterlik mesuli jon li kachyu bash waliyliqqa saylandi.

saylam bügün (8-may) etigende wen chay nahiyesining wiktoriye portigha yéqin xongkong yighin we körgezme merkizide mexpiy bélet tashlash arqiliq ötküzüldi.

li xongkong bash waliysini saylash hoquqi bérilgen 1500 kishilik saylam heyitidin 8 ezaning ret awazigha qarshi 1461 awaz bilen xongkongning yéngi rehbirige aylandi.

saylamgha birdinbir namzat süpitide kirgen 64 yashliq li bu netije üchün kéreklik bolghan köp sanliqning bélitige érishken boldi.

xitay hökümitige yéqinliqi bilen tonulghan li qanun chiqirish mejlisi, kespiy guruppilar we soda dunyasining wekillirimu orun alghan komititning asasliq köp qismi xitay hökümitining qollighuchiliri bolghan 786 ezasining qollishi bilen namzatliqqa körsitilgen idi.

xongkong waliysi keriy lamning wezipe ötesh mudditi 7-ayning 1-küni toshidu, andin xitay hökümitige yéqinliqi bilen tonulghan li wezipe öteshni bashlaydu.

li sabiq waliy keriy lamning tewsiyesi bilen xitay dölet ishliri mehkimisi teripidin 2021-yili 6-ayning 25-küni yerlik hökümettiki ikkinchi nopuzluq orunning bash katipi bolup teyinlengen idi.

ilgiri dölet bixeterlik ishliri katipi bolghan we saqchi ailisidin kélip chiqqan li famililikning 2019-yili jinayetchilerni ötküzüp bérish qanun layihesige qarshi bashlanghan hökümetke qarshi namayish herikitini basturushta shundaqla 2020-yili maqullanghan «dölet bixeterlik qanuni» bilen öktichilerge qarita tekshürüsh élip bérishta muhim rol oynighanliqi üchün mukapatlanghanliqi bildürülmekte.

li we keriy lam öktichilerge bésim ishletkenliki üchün amérika émbargo yürgüzgen xongkong emeldarlirining tizimlikidin orun alghan idi.